Charta qua notum est Odilonem, abbatem Cluniacensem, terram in villa Barberias Fulcherio ad medium plantum concessisse.
Notum sit omnibus, quod ego Odilo abba, una cum consensu fratrum nostrorum, donamus cuidam viro, nomine Fulcherio, quandam nostram terram ad medium plantum in pago Cabillonensi, in villa Barberias, in tali tenore, ut quinto anno habeat edificata; medietas ad nos perveniat, aliam vero medietatem teneat ipse et unus filius quem habuerit de legali uxore quamdiu vixerit. Post illorum obitum ad Sanctum Petrum perveniat. Terminat ipse medius plantus a mane terra Ebrardi et Stephani, a medio die et a sero de ipsa hereditate, a certio terra Rocleni. Actum Cluniaco publice. Domnus Odilo abba signavit. S. Viviani. S. Vuarnerii. S. iterum Viviani. S. Gausfredi. S. Rainaldi. S. Gysoni. S. Gausmari. S. Aalberti. S. Bornoni. Data mense maio, regnante Rodberto rege anno II. Ebrardus levita scripsit.
(Au dos:) Fulcherio, in Barberias.